Page:I. Beówulf- an Anglo-Saxon poem. II. The fight at Finnsburh- a fragment (IA cu31924031292604).pdf/17

60 in worold wôcun,weoroda ræswan,
Heorogâr and Hrôðgârand Hâlga til;
hŷrde ic, þät Elan cwênOngenþeówes wäs
Heaðoscilfingesheals-gebedde.
Þâ wäs Hrôðgârehere-spêd gyfen,
65 wîges weorð-mynd,þät him his wine-mâgas
georne hŷrdon,ôð þät seó geogoð geweôx,
mago-driht micel.Him on môd bearn,
þät heal-recedhâtan wolde,
medo-ärn micelmen gewyrcean,
70 þone yldo bearnæfre gefrunon,
and þær on innaneall gedælan
geongum and ealdum,swylc him god sealde,
buton folc-scareand feorum gumena.
Þâ ic wîde gefrägnweorc gebannan
75 manigre mægðegeond þisne middan-geard,
folc-stede frätwan.Him on fyrste gelomp
ädre mid yldum,þät hit wearð eal gearo,
heal-ärna mæst;scôp him Heort naman,
se þe his wordes gewealdwîde häfde.
80 He beót ne âlêh,beágas dælde,
sinc ät symle.Sele hlifade
heáh and horn-geáp:heaðo-wylma bâd,
lâðan lîges;ne wäs hit lenge þâ gen
þät se ecg-heteâðum-swerian
85 äfter wäl-nîðewäcnan scolde.
Þâ se ellen-gæstearfoðlîce
þrage geþolode,se þe in þŷstrum bâd,
þät he dôgora gehwamdreám gehŷrde
hlûdne in healle;þær wäs hearpan swêg,
90 swutol sang scôpes.Sägde se þe cûðe
frum-sceaft firafeorran reccan,
cwäð þät se älmihtigaeorðan worhte,
wlite-beorhtne wang,swâ wäter bebûgeð,
gesette sige-hrêðigsunnan and mônan