Page:I. Beówulf- an Anglo-Saxon poem. II. The fight at Finnsburh- a fragment (IA cu31924031292604).pdf/19

Þâ wäs on uhtanmid ær-däge
Grendles gûð-cräftgumum undyrne:
þâ wäs äfter wistewôp up âhafen,
micel morgen-swêg.Mære þeóden,
130 äðeling ær-gôd,unblîðe sät,
þolode þryð-swyð,þegn-sorge dreáh,
syððan hie þäs lâðanlâst sceáwedon,
wergan gâstes;wäs þät gewin tô strang,
lâð and longsum.Näs hit lengra fyrst,
135 ac ymb âne nihteft gefremede
morð-beala mâreand nô mearn fore
fæhðe and fyrene;wäs tô fäst on þâm.
Þâ wäs eáð-fynde,þe him elles hwær
gerûmlîcorräste sôhte,
140 bed äfter bûrum,þâ him gebeácnod wäs,
gesägd sôðlîcesweotolan tâcne
heal-þegnes hete;heóld hine syððan
fyr and fästor,se þäm feónde ätwand.
Swâ rîxodeand wið rihte wan
145 âna wið eallum,ôð þät îdel stôd
hûsa sêlest.Wäs seó hwîl micel:
twelf wintra tîdtorn geþolode
wine Scyldinga,weána gehwelcne,
sîdra sorga;forþam syððan wearð
150 ylda bearnumundyrne cûð,
gyddum geômore,þätte Grendel wan,
hwîle wið Hrôðgâr;—hete-nîðas wäg,
fyrene and fæhðefela missera,
singale säce,sibbe ne wolde
155 wið manna hwonemägenes Deniga
feorh-bealo feorran,feó þingian,
ne þær nænig witenawênan þorfte
beorhtre bôtetô banan folmum;
atol äglæcaêhtende wäs,
160 deorc deáð-scûaduguðe and geogoðe