Page:Metamorphoses.djvu/198

LIBER IV AT non Alcithoe Mnyeias orgia censet accipienda dei, sed adhuc temeraria Bacchum progeniem negat esse Iovis sociasque sorores inpietatis habet. festum celebrare sacerdos inmunesque operum fainulas dominasque suorum 5 pectora pelle tegi, crinales solvere vittas, serta coma, manibus frondentis sumere thyrsos iusserat et saevam laesi fore numinis iram vaticinatus erat: parent matresque nurusque telasque calathosque infectaque pensa reponunt 10 turaque dant Bacchumque vocant Bromiumque Lyaeumque ignigenamque satumque iterum solumque bimatrem; additur his Nyseus indetonsusque Thyoneus et cum Lenaeo genialis consitor uvae Nycteliusque Eleleusque parens et lacchus et Euhan, et quae praeterea per Graias plurima gentes nomina, Liber, habes. tibi enim inconsumpta iuventa 16 est 1 "The noisy one." 2 “ The deliverer from care." 3 " Of Nysa," a city in India, connected traditionally with the infancy of Bacchus. 4 "Son of Thyone," the name given to his mother, Semele, after her translation to the kies. 6 "God of the wine-press." « So named from the fact that his orgies were celebrated in the night. 178