Page:Metamorphoses.djvu/316

OVID fecit olorinis Ledam recubare sub alis addidit, ut satyri celatus imagine pulchram Iuppiter inplerit gemino Nycteida fetu, Amphilryon fuerit, cum te, Tirynthia, cepit, aureus ut Danaen, Asopida luserit ignis, Mnemosynen pastor, varius Deoida serpens, te quoque mutatun torvo, Neptune, iuvenco virgine in Aeolia posuit; tu visus Enipeus gignis Aloidas, aries Bisaltida fallis, et te flava comas frugum mitissima mater sensit equum, sensit volucrem crinita colubris mater equi volucris, sensit delphina Melantho: 120 omnibus his faciemque suam faciemque locorum reddidit. est illic agrestis imagine Phoebus itque modo accipitris pennas, modo terga leonis gesserit, ut pastor Macareida luserit Issen, Liber ut Erigonen falsa deceperit uva, ut Saturnus equo geminum Chirona crearit. ultima pars telae, tenui circumdata limbo, nexilibus flores hederis habet intertextos. 110 115 125 Non illud Pallas, non illud carpere Livor possit opus: doluit successu flava virago et rupit pictas, caelestia crimina, vestes, utque Cytoriaco radium de monte tenebat, ter quater Idmoniae frontem percussit Arachnes. non tulit infelix laqueoque animosa ligavit guttura: pendentem Pallas miserata levavit atque ita "vive quidem, pende tamen, inproba" dixit, " lexque eadem poenae, ne sis secura futuri, dicta tuo generi serisque nepotibus esto!" 180 135