This page has been validated.
4
BONNY JEAN.
THERE was a laſs and ſhe was fair,
at kirk and market to be ſeen.
When a’ the faireſt maids were met.
The faireſt maid was bonny Jean.
And ay ſhe wrought her mither’s wark,
and ay ſhe ſang ſae merrilie;
The blytheſt bird upon the buſh,
had ne’er a lighter heart than ſhe.
But hawks will rob the tender joys
that bleſs the little lintwhite’s neſt;
And froſt will blight the faireſt flowers,
and love will break the ſoundeſt reſt.
Young Robie was the braweſt lad,
the flower and price of a’ the glen
And he had owſen, ſheep and kye,
and wanton nagies nine or ten.
