5
Now Wiliock had trysted wi’ Jennie,
For she was a braw canty Quean,
Word gaed she had a pay pennie.
For whilk Willie fondly did green:
Now Tam he was blaming the liquor,
Yae night he had got himsel’ fou,
And teysted gleid Maggie Macvicar,
And, faith, he thought shame for to rue.
The carles, fou codgie, sat cocking Upon their white nags and their brown, Wi' snuffing, and laughing, and joking, They soon cantcrt into the town: ’Twas there was the funning and sporting, Ae! what a swarm o’ braw fo'k, Howly powly. Wild Beasts, Wheel o’ Fortune, Sweety Stan’s, Master Punch, and Black Jock.
Now Willock and Tam, gay an’ boozy. By this time had met wi’ their joes, Consented wi’ Gibbie and Susie, To daunder down by to the shows: ’ ’Twas there was the fiddling and drumming. Sic a crowd they could scarcely get through, Fiddles, Trumpets, and Organs, a’ bamming, O sirs! what a Huly Baloo.
Then hie to the Tents at the paling, Weel thecked wi' blankets and mats. And deals, seated roun like a tap-room Supported on stanes and on pats: The whiskey like water they’re selling And porter as smu’ as their yill.
