THE
OLD MAID AND WIDOW.
AN ADDRESS DELIVERED IN A DEBATING SOCIETY,
IN ANSWER TO THE QUESTION,
“Whether is it most prudent to marry an Old Maid
or a Widow?”
Aye now the subject—kindly woman,
This night sets a’ our crowns a bummin’—
‘Its speered, I think, ‘Were ane to venture
‘For term o’ life, to sign indenture
‘Whilk o’ the twa—Auld Maid or Widow,
‘It were the wisest to be tied to?’
I own the question’s hard to answer,
But I sall do the best I can Sir:
Tho’ certes! Sir, I meikle doubt it,
The wisest here ken nought about it;
That wisdom comes nae frae the College.
Experience only, gie’s the knowledge.
