She myghte han taried hir vengeance a while
Til that sum man had egal to the be;
Nay, lat be that! sche knew wel that this yle
May never man forth brynge lyk to the,
And hir office needes do mot she:
God bad hir so, I truste as for the beste;
O maister, maister, God thi soule reste!
JOHN LYDGATE
1370?-1450?
14. Vox ultima Crucis
Tarye no lenger; toward thyn heritage
Hast on thy weye, and be of ryght good chere.
Go eche day onward on thy pylgrymage;
Thynke howe short tyme thou hast abyden here.
Thy place is bygged above the sterres clere,
Noon erthly palys wrought in so statly wyse.
Come on, my frend, my brother most entere!
For the I offered my blood in sacryfice.
14. bygged] built. palys] palace. KING JAMES I OF SCOTLAND
1394-1437
15. Spring Song of the Birds
Worschippe ye that loveris bene this May,
For of your blisse the Kalendis are begonne,
And sing with us, Away, Winter, away!
Cum, Somer, cum, the suete sesoùn and sonne!
Awake for schame! that have your hevynnis wonne,
And amorously lift up your hedis all,
Thank Lufe that list you to his merci call!
15. suete] sweet.
Lufe] Love.
