aye threeps he had a promise frae yoursel."
"Halliday's 'a liar, and ye're a gomeril to hearken till him, Cuddie. And then for this leddy's choice, lack-a-day!—ye may be sure a' the gowd Mr Morton has is on the outside o' his coat, and how can he keep Leddy Margaret and the young leddy?"
"Isna there Milnwood?" said Cuddie. "Nae doubt, the auld laird left his housekeeper the life-rent as he heard nought o' his nephew; but it's but speaking the auld wife fair, and they may a' live brawly thegither, Leddy Margaret and a."
"Hout tout, lad," replied Jenny, "ye ken them little to think leddies o' their rank wad set up house wi' auld Ailie. Wilson, when they're maist ower proud to tak favours frae Lord Evandale himsel. Na, na, they maun follow the camp, if she tak Morton."
"That wad sort ill wi' the auld leddy, to be sure," said Cuddie; "she wad hard-
