¶ The xxvij fable is of the wulf and of the lambe
f two euyls men ought euer to
eſchewe and flee the worſt of
bothe / yf ony of them may be
eſchewed / as hit appiereth by
this fable / of a wulf / whiche
ranne after a lambe / the whiche lambe fled
into the hows where as gotes were / And whan
the wulf ſawe that he myght in no wyſe take
the lambe / he ſayd to hym by ſwete wordes /
Leue thy felauſhip / and come with me into the
feldes / for yf thow come not / thow ſhalt be
take by them / and ſhalt be ſacryfyed to theyre
goddes / And the lamb anſuered to the wulf /
I haue leuer to ſhede al my blood for the loue
of the goddes / and to be ſacryfyed[errata 1] / than to be
eten and deuoured of the / And therfore he is
ful of wyſedome and of prudence / who of two
grete euyls may and can eſcape the gretteſt of
bothe /
¶ Here fynyſſhen the fables of Auian / And after followen the fables of Alfonce
