PRIMUS.
27
rat herd hym crye / he approched hym & demaunded of hym wherfor he cryed / And the lyon anſuerd to hym / Seeſt thou not how I am take & bound with this gynne / Thenne ſayd the ratte to hym / My lord I wylle not be vnkynde / but euer I ſhal remembre the grace whiche thou haſt done to me / And if I can I ſhall now helpe the / The ratte beganne thenne to byte the lace or cord / and ſo long he knawed it that the lace brake / And thus the lyon eſcaped / ¶ Therfore this fable techeth vs how that a man myghty and puyſſant ought not to dyſprayſe the lytyll / For ſomtyme he that can no body hurte ne lette may at a nede gyue help and ayde to the grete