8
When Johnny Cope he heard of this,
He thought it wadna be amiss
To ha'e a horse in readiness
To flee awa' i' the morning.
Hey Johnny Cope, &c.
Fy now Johnny get up an' rin,
The Highland bag-pipes make a din,
It's best to sleep in a hale skin,
For 'twill be a bludie morning.
Hey Johnny Cope, &c.
When Johnny Cope to Dunbar came,
They spear'd at him whare's a' your men?
The never a bit do I ken,
For I left them a' i' the morning.
Hey Johnny Cope, &c.
Now, Johnny, troth ye was nae blate,
To come wi the news o' your ain defeat,
And leave your ain men in sic a strait,
So early i' the morning.
Hey Johnny Cope, &c.
Alas! quoth Johnny, I got a fleg,
Wi' their claymores and philabegs,
If I face them again I'll break my legs;
So I wish you a good morning.
Hey Johnny Cope, &c.
FINIS
