THE LASS O' GOWRIE
'Twas on a simmers afternoon,
A wee before the sun gaed down,
My lassie wi' a braw new gown,
Came o'er the hill to Gowrie.
The rose bud ting'd wi' morning showers,
Bloom'd fresh within the sunny bowers,
But Kitty was the fairest flower
That ever bloom'd in Gowrie,
I had nae thought to do her wrang,
But round her waist my arms I flang
And said, "My lassie, will ye gang
To view the Carse o' Gowrie?"
I'll take ye to my father's ha'
In yon green field beside the shaw,
And make you lady o' them a'
The brawest wife in Gowrie."
Saft kisses on her lips I laid,
The blush upon her cheek soon spread ;
She whispered modestly, and said,
I'll gang wi' ye to Gowrie."
The auld folk soon gied their consent,
And to Mess John we quickly went,
Wha tied to our heart's content,
And now she's Lady Gowrie.
———
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse