THE MOUDIWARK.
Tune—"O for ane and twenty Tam."
An old song.
The moudiwark has done me ill,
And below my apron has biggit a hill,
I maun consult some learned clark,
About this wanton moudiwark.
And O the wanton moudiwark,
The weary wanton moudiwark,
I maun consult my learned clark,
About this wanton moudiwark.
O first it gat between my taes,
Out o'er my garter neist it gaes,
At length it crap below my sark,
The weary wanton moudiwark.
And O the, &c.
This moudiwark, tho' it be blin',
If ance the nose o't you let in,
Then to the hilts, within a crack,
The weary wanton moudiwark,
And O the, &c.
When Marjorie was made a bride,
And Willie lay down by her side.
Syne nought was heard when it was dark,
But kicking at the moudiwark.
And O the, &c.