The married man's lament, or, Fairly shot of her/Todlan butt, and todlan ben

Todlan Butt and Todlan Ben.

WHEN I've got a ſixpence under my thumb,
Then I'll get credit in ilka town,
But ay when I'm poor they bid me go by,
O poverty parts good company,
Todlan hame, todlan hame,
Coudna my love come todlan hame.

Fair ſa' the good wife, and ſend her good ſale,
She gies us white bannocks to drink her ale,
Syne if that her twopenny chance to be ſma',
We'll tak a good ſcour o't and ca't awa',
Todlan hame, todlan hame,
As round as a neep comes todlan hame.

My kimmer and I lay down to ſleep,
And two pint ſtoups at our bed's feet,
And ay when we waken'd we drank them dry,
What think ye of my wee kimmer and I,
Todlan butt, and todlan ben,
Sae round as my love comes todlan hame.

Lees me on liquor my todlan dow,
Ye're ay ſae good humour'd when weeting your mu,
When ſober, ſae ſour, ye'll fight with a flee,
That 'tis a blyth ſight to the bairns and me.
When todlan hame, todlan hame,
When round as a neep you come todlan hame.