Two Old Songs: The Perjured Maid, and The Waukrife Mammy/The Waukrife Mammy

The Waukrife Mammy

As I gaed o'er the Highland hills,
I met a bonny łassie;
Wha look'd at me and I at her,
And O but she was saucy.

Whare are you gaun my bonny lass,
Whare are ye gaun, my lammy;
Right saucily she answer'd me,
An errand to my mammy.

An' whare live ye, my bonny lass,
Whare do you won, my lammy:
Right modestly she answer'd me,
In a wee cot wi' my mammy.

Will ye tak' me to your wee house,
I'm far frae hame, my lammy:
Wi' a leer o' her eye, she answer'd me,
I darena for my mammy.

But I fore up the glen at e'en,
To see this bonny lassie;
And lang before the gray morn cam',
She wasna half sae saucy.

O weary fa' the waukrife cock,
An' the sumart lay his crawing.
He wauken'd the auld wife frae her nest
A wee blink or the dawing;

Wha straught began to blaw the coal,
To see gif she could ken me;
But I crap out from whare I lay,
And took the fields to skreen me.

She took her by the hair o' the head,
As frae the spence she brought her,
An' wi' a gude green hazel wand,
She's made her a weel paid dochter.

Now fare-thee-weel my bonnie lass,
An' fare-thee weel my lammy,
Tho' thou has a gay, an' a weel-far't face,
Yet thou has a waukrife mammy,