Allan Tine o' Harrow (4)/Bonnie Wood of Craigie lea

by Anonymous

For other versions of this work, see Thou Bonnie Wood of Cragie Lea.

BONNIE WOOD OF CRAIGIE LEA.

Thou bonnie wood of Craigie lea,
Thou bonnie wood of Craigie lea,
Near thee I pass'd life's early day,
And won my Mary's heart in thee.

The broom the brier the birken bush,
Bloom bonny o'er thy flowery lea,
And a' the sweets that ane can wish,
Frae Nature's hand are strew'd on thee.
Thou bonnie, &c.

Far ben thy dark green plantings shade,
The cushat croodles am'rously;
The mavis down thy bughted glade,
Gars echo ring frae every tree.
Thou bonnie, &c.

Awa, ye thoughtless murd'ring gang,
Wha tear the nestlings ere they flee!
They'll sing you yet a canty sang,
Then O in pity let them be!
Thou bonnie, &c.

When winter blaws in sleety show'rs,
Frae aff the norlin' hills sae hie,
He lightly skiffs thy bonny bow'rs,
As laith to harm a flow'r in thee.
Thou bonnie, &c.

Tho' fate should drag me south the line,
Or o'er the wide Atlantic sea,
The happy hours I'll ever mind,
That I in youth ha'e spent in thee,
Thou bonnie, &c.

 

FINIS.