Christmas Carols, Ancient and Modern/Annotated/De Natiuitate 1

by William Sandys

DE NATIUITATE.

Proface, welcome, well come,
This tyme ys born a chylde of grace,
yᵗ for vꝰ mãkynde hathe take.

proface.

A kyngs sone and an emperoure
ys comyn oute of a maydynys toure,
wᵗ vꝰ to dwelle wᵗ grete honowre.

proface.

This holy tyme of cristsmesse
All sorwe & synne we shulde relese,
And caste away all heuynesse.

ꝑface.

The gode lord of this place entere
Seith welcome to all yᵗ now apere
Vnto suche fare as ye fynde here.

ꝑface.

Well come be this new ere,
And loke ye all be of gode chere,
Oure lorde god be at our denere.

ꝑface.

——————