Clutha, wi' truest love I love thee, Jean/The Black-Ee'd Lassie
THE BLACK-EE'D LASSIE.
Tune—My only jo and dearie O.
Wi' truest love I love you Jean—
But dinna ye be saucy O,
Or why I love I winna tell,
My bonnie black e'ed lassie O.
Its no thy cheek o‘ rosy hue,
Its no thy little cherry mou;
lt‘s a because thy heart's sae true,
My bonnie black-e‘ed lassie O.
It's no the witch glance o‘ thy ee,
Tho' few for that surpass ye O,
That mak's ye aye sae dear to me,
My bonnie black-e ed lassie O.
It‘s no the whiteness o‘ thy skin,
lt‘s no love's dimple on thy chin—
It's a' thy modest worth within,
My bonnie black-e‘ed lassie O.
Ye smile sae sweet, yerlook sae kind,
That a‘ wish to caress ye O;
But I adore your heavenly mind,
My bonnie black-e'ed lassie O.
I 've seen thy een, like crystal clear,
Shine dimly thro' saft pity's tear,
Which makes you ever, ever dear
To me, my black-e'ed lassie.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse