Dinna think bonny lassie/O let me in this ae night, with Her answer

---

O LET ME IN THIS AE NIGHT.

O Lassie, art thou sleeping yet?
Or art thou wauken, I would wit?
For love has bound me hand and foot,
And I would fain be in, jo.
O let me in this ae night,
This ae, ae, ae night
For pity's sake this ae night,
O rise and let me in, jo.

Out owre the moss, out owre the muir,
I came this dark and drearie hour,
And hear I stand without the door,
Amid the pouring storm, jo.
O let me in, &c

Thou hear'st the winter wind and weet,
Nae star blinks thro' the driving sleet;
Tak pity on my wearie feet,
And shield me frae the rain, jo.
O let me in, &c.

The bitter blast that round me blaws,
Unheeded howls, unheeded fa's;
The cauldness o' thy heart's the cause
Of a' my grief and pain, jo.
O let me in, &c.

HER ANSWER.

O tell na me of wind and rain,
Upbraid na me wi' cauld disdain,
Gae back the gate ye cam again,
I winna let yen in, jo.
I tell you now this ae night.
This ae, ae, ae night;
And ance for a' this ae night,
I winna let you in jo.

The snellest blast at mirkest hours,
That round the pathless wanderer pours,
Is nought to what poor she endures,
Who's trusted faithless man, jo.
I tell you now, &c.

The sweetest flower that decked the mead,
Now trodden like the vilest weed,
Let simple maid the lesson read,
The weird may be her ain jo,
I tell you now, &c.

The bird that charmed his simmer day.
Is now the cruel sewer's prey;
Let witless, trusting, woman say,
How aft her fate's the same, jo.
I tell you now &c.