Fairfa' the lasses (1)/Fairfa' the Lasses

Fairfa' the lasses (1) (between 1816 and 1820)
Fairfa' the Lasses
3225753Fairfa' the lasses (1) — Fairfa' the Lassesbetween 1816 and 1820



FAIRFA' THE LASSES.

TUNE,——‘Green grow the rashes, O.’

Fairfa’ the lasses, O!
Fairfa’ the lasses, O!
And dool and care still be his share,
Wha doesna loo the lasses, O!

Pale poverty an’ girnin’ care,
How lang will ye harrass us, O?
Yet light’s the load we hae to bear,
If lessen’d by the lasses, O!
Fairfa’, &c.

The rich may sneer as they gae by,
Or scornfully may pass us, O!
Their better lot let’s ne’er envy,
But live and love the lasses, O.
Fairfa’, &c.

Why should we eves sigh for wealth?
Sic thoughts should never fash us, O;
A fig for pelf, when blest wi’ health,
Content, an’ bonnie lasses, O.
Fairfa’, &c.

The ancient Bards, to sknw their skill,
Plac'd Muses on Parnassus O;
But let them fable as they will,
My Muses are the lasses, O.
Fairfa', &c.

The drunkard cries, the joys o' wine
A' ither mirth surpasses, O;
But he ne'er kent the bliss divine,
That I hae wi' the lasses, O.
Fairfa', &c.

When I am wi' the chosen few,
The time fu' quickly passes, O,
But days are hours, and less, I trow,
When I am wi' the lasses, O.
Fairfa', &c.

When joys abound, then let a round
Of overflowing glasses, O,
Gae brisk about, an clean drink out;
The toast be-- 'Bonnie lasses,' O.
Fairfa', &c.


This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse