Gloomy winter's now awa' (1813-1820)/Gloomy Winter's Now Awa'
![](http://upload.wikimedia.org/wikipedia/commons/thumb/9/97/Gloomy_winter%27s_now_awa%27_-_Headpiece.png/250px-Gloomy_winter%27s_now_awa%27_-_Headpiece.png)
Gloomy Winter's Now Awa'.
Gloomy winter's now awa,
Saft the westlin breezes blaw,
'Mang the birks of Stan ey shaw
The mavis sings fu cheery O;
Sweet the crawflower's early bell
Decks Gleniffer's dewy dell,
Blooming like thy bonnie sel,
My young, my artless dearie O.
Come, my lassie, let us stray
O'er Glenkilloch's, sunny brae,
Blythely spend the gouden day,
'Midst joys that never weary O.
Towering o'er the Newton woods,
Lav'rocks fan the sna-white clouds,
Siller saughs wi downy buds,
Adorn the banks sae briery O;
Round the sylvan fairy nooks,
Feathery brackens fringe the rocks,
'Neath the brae the burnie jouks,
And ilka thing is cheary O;
Trees may bud, and birds may sing,
Flowers may bloom and verdure spring
Joy to me they canna bring,
Unless wi' thee, my dearie 0.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse