EXERCISE 28 edit
VOTAMS FA LASAM VALEMIK TELID. edit
In jölul yela 1887 lasam valemik volapükelas äzitom in München, zif Deuta. Lasam at ämekom votamis anik in noms volapüka, e zesüdos sevön votamis at, dat kanon lilädön bukis pepüböl büf tim lasama. Buk obsik pepenom segun noms nulik pestaböls fa lasam.
Ab in penäds vönik onoeton :
1. Das äbinoms foms tel tonaba h, c e h, müedik e düfik ; nu labobs fomi te bal, h.
2. Das äbinom fom plütik, ,,ons," pla ,,ol," kel fom (ons) no sibinom nu.
3. Das nems lönik päpenoms segun ton, fonetigo ; nu paipenoms segun lotogaf länas keles lönoms.
4. Das vökäds ä, ö, ü älaboms fomis patik, nen pünils.
5. Das ji- as bisilab älabom fetanamali (-).
6. Das ,ji-' ämalom sotimo jimateli dunela e no jiduneli it ; e das ,of,' pla ,ji,' ämalom jiduneli. a.s., ji-tidel, vöno, jimatel tidela ; of-tidel, vom kel tidof, jitidel.