THE HIGHLAND LADDIE.
The lawland lads think they are fine,
But O! they're vain and idly gaudy;
How much unlike the gracefu' mien,
And manly looks of my Highland laddie.
O my bonnie Highland laddie,
My handsome charming Highland laddie;
May heaven still guard, and love reward
The lawland lass and her highland laddie
If I were free at will to choose,
To be the wealthiest Lawland lady,
I'd tak young Donald without trews,
With bonnet blue and belted plaidie.
O my bonny, &c.
The brawest beau in burrows town,
In a' his airs, wi' art made ready,
Compar'd to him, he's but a clown,
He's finer far in's tartan plaidie.
O my bonny, &c.
O'er benty hill wi‘ him I'll run,
And leave my lawland kin and daddie,
Frae winter's cauld and simmer's sun,
He'll screen me wi‘ his highland plaidie
O my bonny, &c.
A painted room, and silken bed,
May please a Lawland laird and lady;
But I can kiss, and be as glad,
Behind a bush, in's Highland plaidie.
O my bonny, &c.
Few compliments between us pass;
I ca' him my dear Highland laddie,
And he ca's me his Lawland lass,
Syne rows me in beneath his plaidie.
O my bonny, &c.
Nae greater joy I'll e'er pretend,
Than that his love prove true & steady,
Like mine to him, which ne'er shall end,
While heaven preserves my Highland laddie.
O my bonny, &c.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse