LASSIE WI' THE LINT WHITE LOCKS.
Now Nature cleeds the flowery lea
And a' is young and sweet like thee,
O wilt thou share its joys wi' me.
And say thou'lt be my dearie O.
CHORUS.
Lassie wi' the lint white locks,
Bonny lassie, artless lassie
Wilt thou wi' me tent the flocks
Wilt thou be my dearie, O.
And when the welcome simmer shower
Hrs cheer'd ilk little drooping flower
We'll to the breathing woodbine bower
At sultry noon my dearie, O.
When Cynthia lights wi' silver ray,
The weary shearers hameward way;
Thro' yellow waving fields we'll stray,
And talk of love my dearie, O.
And when the howling wintry blast
Disturbs my lassie's midnight rest
Enclasped to my faithful breast,
I'll comfort thee my dearie, O.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse