Indemnity as to Return of Piers de Gaveston Act 1315

by the Parliament of England

Statutum ne quis occasionetur pro reditu Petri de Gaveston. Fact. Anno 7 EDW. II.

Indemnity as to Return of Piers de Gaveston Act 1315

Cotton MS. Claudius, D. 2.

EDWARD per la grace de Dieu &c. as touz ceux qi cestes lettres verrount ou orrount saluz. Sachez qen nostre Parlement comence a Westm' le dymain preschein apres le feste de seint Matheu lapostoil en lan du nostre regne septisme pur certeins et covenables enchesons purveu est et graunte per nous & per Ercevesqes Evesqes Abbees Priours Countes et Barouns & toute la comunalte de nostre roialme illoeqes a nostre maundement assemblez unement assentuz & acorde qe nul de quele estat ou condicion

Cotton MS.

qil soit en nulle temps avenir soit chalenge pris nenprisone empesche moleste ne greve nen jugement mesne per nous ne per autres a nostre seute ne a seute dautri qi qil soit en nostre Courte ne nul part aillours pur encheson de revenir de Monsieur Piers de Gaveston en Engleterre ne deide maintenaunce aerdaunce ne du counseil ne de resceite de lui ne dalliaunce faite a lui ou pur lui per escrit ou autrement ne pur encheson de demoerer en sa compaignie nen service en nul temps passe cea en ariere. Et volons qe ceo graunt e acorde soit ferme & establie en touz ces pointz & chescun de eux soit tenuz & gardez a perpetuite. En tesmoignance de quele chose nous avons faite faire cestes noz letres patentz. Don' a Westm' le septisme jour de Novembre lan de nostre Regne septisme.

Note : this act is listed in the Chronological Table of Statutes as theIndemnity as to Return of Piers de Gaveston Act, 1315