Massacre of Glencoe (5)/A'Body's Like to Get Married But Me

·

---

A' BODY’S LIKE TO GET MARRIED
BUT ME.

As Jenny sat down wi’ her wheel by the fire,
And thought of the time that was fast fleein’ by,
She said to hersel’, wi’ a heavy heigh hee,
Oh! a’ body’s like to get married but me!
⁠She said, &c.

My youthfu’ companions are a’ worn awa,
And tho’ I’ve had wooers mysel’, ane or twa,
Yet a lad to my mind I ne’er yet could see:
Oh! a’ body’s like to get married but me!
⁠Yet a lad, &c.

There’s Lowrie, the lawyer, wad hae me fu’ fain,
Who has baith a house and a yard o’ his ain;
But before I’d gang to it, I rather wad die;
A wee stumpin’ body!—he’ll never get me!
⁠But before, &c.

There’s Dickie, my cousin, frae Lunon come down,
Wi fine yellow buckskins that dazzled the town;
But, poor deevil, he got ne’er a blink o’ my ee
Oh! a’ body’s like to get married but me!
⁠But, poor deevil, &c.

But I saw a lad by yon saughy-burn side,
Wha weel wad deserve onie queen for his bride:
Gin I had my will, soon his ain I wad be:
O, a' body's like to get married but me!
⁠Gin I had, &c.

I gied him a look, as a kind lassie shou'd;
My friends, if they kend it, wad surely run wud;
For tho' bonnie and good, he's no worth a bawbee,
Oh! a' body's like to get married but me.
⁠For tho' bonnie, &c.

'Tis hard to take shelter behint a laigh dike;
'Tis hard for to take ane we never can like;
’Tis hard for to leave ane we fain would be wi',
Yet 'tis harder that a' should get married but me.
⁠Tis hard for, &c.

finis.