MY ONLY JO AND DEARIE.
The cheek is o' the roses hue,
My only jo and dearie, O;
Thy neck is o' the siller dew,
Upon the banks sae brierie, O.
Thy teeth are o' the ivory,
O sweet's the twinkle o thine ee:
Nae joy, nae pleasure blinks on me
My only jo and dearie, O.
The birdie sings upon the thorn,
Its sang o' joy, fu'cheerie, O,
Rejoicing in the simmer morn,
Nae care to mak it eerie, O;
Ah! little kens the sangster sweet,
Aught o' the care I ha'e to meet,
That gars my restless bosom beat,
My only jo and dearie, O.
When we were bairnies on yon brae,
And youth was blinkin bonny, O,
Aft we wad daff the li’elang day,
Our joys fu‘ sweet, and monie, O
Aft I wad chase thee o'er the lee,
And round about the thorny tree,
Or pu' the wild flowers a’ for thee,
My only jo and dearie, O.
I hae a wish I canna tine,
’Mang a' the cares that grieve me, O;
I wish that thou wert ever mine,
And never mair to leave me, O’
Then I wad daut the night and day,
Nae ither warldly care wad hae,
Till life's warm stream forgat to play,
My only jo and dearie, O
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse