New minstrel/Marry for love and work for siller

MARRY FOR LOVE AND WORK FOR SILLER,

⟨When⟩ I and my Jenny thegither were tied,
We had but sma' share o' the world between us;
⟨Yet⟩ lo'ed ither weel, and had youth on our side,
And strength and guid health were abundantly gi'en us;
(illegible text) varsled and toiled throng the fair and the foul,
And she was right carefu' o' what I brought till her,
⟨For⟩ aye we had mind o' the canny auld rule,
Just "marry for love, and work for siller."

⟨Our⟩ bairns they cam' thick-—we were thankfu' for that.
For the bit and the brattie cam' aye alang wi' them;

⟨Our⟩ pan we exchanged for a guid mucle pat.
And somehow or ither, we aye had to gi'e them
⟨Our⟩ laddies grew up, and they wrought wi mysel,'
Ilk ane gat as buirdly and stout as a miller,
⟨Our⟩ lasses they keepet us trig aye, and hale,
And now we count a bit trifle o' siller.

⟨But⟩ I and my Jenny are baith wearin' down,
And our lads and our lassies has a' gotten married;
(illegible text)t sae, we can rank wi' the best i' the town
Though our noddles we never too paughtily carried.
(illegible text) mark me-I've now got a braw cockit hat,
And in our civic building am reckon'd a pillar;
(illegible text) that a bit honour for ane to get at,
(illegible text) married for love, and wha wrought for siller?