FEE HIM, FATHER, FEE HIM.
O saw ye Johnny comin, quo' she,
Saw ye Johnny comin;
Saw ye Johnny comin, quo' she,
Saw ye Johnny comin.
Wi' his blue bonnet on his head,
And his dogie rinnin, quo' she,
And his dogie rinnin.
Fee him, father, fee him, quo' she,
Fee him, father, fee him;
Fee him, father, fee him, quo' she,
Fee him, father, fee him.
For he is a gallant lad,
And a weel-doin',
And a' the wark about the town,
Gaes wi’ me when I see him, quo' she,
Gaes wi’ me when I see him.
O what will I do wi' him, quo' he,
What will I do wi’ him;
He has ne'er a coat upon his back,
And I hae nane to gie him.
I hae twa coats into my kist,
And ane o‘ them I'll gie him,
And for a mark o‘ mair fee,
Dinna stand wi‘ him, quo' she,
Dinna stand wi‘ him.
For weel do I loe him, quo' she,
Weel do I loe him;
For weel do I loe him, quo' she,
Weel do I loe him.
Then fee him, father, fee him, quo‘ she,
Fee him, father, fee him;
He‘ll haud the plough, thrash in the
barn,
And crack wi' me at e'en, quo' she,
And crack wi‘ me at een.
FINIS.