A LASSIE FAIR.
Tune—For a’ that and a’ that.
A lassie fair (the deil-ma-care)
Ance slighted me and a’ that;
But tho‘ I'm poor, you’re very sure
I dinna like to claw that;
For a‘ that and a' that,
I’m hearty still for a‘ that;
I gat the slight, I took it light,
And that's the way to thraw that.
Gif they should nick you wi’ this trick,
Ne’er break your heart and a' that;
Just glowr about, you'll find ane out,
Will ease your pain and a’ that.
And a' that, and a‘ that,
Your sighs and sabs, and a‘ that;
Sae never pine about a quean,
There’s plenty yet for a’ that!
He is a fool wha maks’t a rule
Ne’er for to wed and ⟨a'⟩ that,
Whan ance a lass to him proves fause,
But taks to bed and a’ that.
And a' that, and a' that,—
Nae doctor’s drugs and a' that,
Will ever prove a cure for love,
Like kiss again and a' that!
Gif I can find ane to my mind,
My heart and hand and a‘ that,
Te her I’ll gie baith frank and free,—
They’re my delight for a' that;
For a‘ that, and a’ that;
They’re dear to me for a‘ that ;
I loo them still, and ever will,
Tho’ ane did jilt and a‘ that.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse