membres of the body
The .v. when it schall be season to be lett blode
¶ First I sayde the tokenes of this infirmite .vii. thynges ought to be noted in the same The first is whan in a sommers daye the weder often times chaungeth, as in the mornīg the wedyr appereth to rayne, after ward it apperith cloudy & atte last wyndy in the south
¶ The seconde token is whan in sommer the dayes apperith al derke & like to rayne & yet hit rayneth not And if many dayes so continue it is to drede of grete Pestilence
¶ The thirde tokyn is whan grete multitude of flyes ben vpon the eerthe thenne it is signe the ayer is venemous and enfect
¶ The fourth token is, whan the sterres semen ofte times to falle: then hit is token that ayer is enfecte with moche venemous vapours
¶ The .v. token is whan a blasyng sterre is see in the element, thenne it sholde fortune sone after to be grete manslaghter in bataylle
¶ The .vi. token is, whanne there is grete lyghtnynge and thundre namely oute of the
