cause suche a swellyng putteth oute alle euyll and maketh a man verray hole And that the soner a swellyng may be made rype, take this medicyne as foloweth: Brose the leuys of an Elder tree & putte therto grounde mustard, & make a playster therof and putte it vpon the swellyng: Somme surgeons wille put Tryacle vpon the swelling, but doo not so for triacle putteth out venym Therfore drynke Tryacle for that putteth oute the same. Also ther is another medicyne Take sengrene hylwort otherwyse called wilde tyme maudelyn grasse plantyn and a lityl rye floure and bresre all these to gider tyl ye see water come oute therof Medill that water with womans milke & gyue it to the pacient fasting before slepe & it wille werke to better for to remeue the swellyng: Also for the swellyng whan hit apꝑed Take filberd nottes fygges & rewe, Bruse them to gyder & laye it vpon the swelling
¶ These remedyes be sufficient to eschewe thys grete sekenesse with the helpe of god To whom be eu̾lastastyng laude & praysing world with outen ende ¶ A M E N
