| XXX. | De Sancto Eustachio. |
| XXXI. | De Sancto Martino. |
| XXXII. | De Sancto Eadmundo. |
| XXXIII. | De Sancta eufrosia (sic). |
| XXXIIII. | De Sancta cæcilia. |
| XXXV. | De Crisanto et claria. |
| XXXVI. | De Sancto Thoma Apostolo. |
| XXXVII. | De Interrogationibus sigewulfi presbyter[i]. |
| XXXVIII. | De Falsis diis. |
| XXXVIIII. | De xii. Abusiuis. |
I.
[leaf 3, back. There seems to be no other copy of this Homily.]
UIII KALENDAS IANUARII. NATIUITAS DOMINI NOSTRI IESU CHRISTI
Men ða leofestan hƿilon ǽr ƿe sædon eoƿ hú ure hælend crist on þisum dæge on soðre menniscnysse acenned ƿæs of þæm halgan mædene marian. Nu ƿylle ƿe sƿa þeah for ðyses 4dæges mærðe eoƿer mód mid þære gastlican lare onbryrdan eoƿ tó blisse þurh gód[1]. Sume gedƿól-mén ƿæron þuruh deoful besƿicane sƿa hi cƿædon þǽt crist godes sunu nære æfre mid þam halgan fæder ƿuniende · ác ƿære súm tíma · ær þan þe he acenned 8ƿære · ac halige godspéll hæfð ofersƿiðod sƿylcera gedƿolena andgit for-oft. Þa iudeiscan axodon crist hƿæt he ƿære. Ða andƿyrde he him þus. Ego súm principiū · qui et loquor uobis. Ic eom angínn · þe eoƿ to spræce. Nu ge habbað gehered 12hu se hælend be him sylfum sprǽc · hé is ordfruma · ⁊ angin ealra þinga · mid his heofonlican fæder · ⁊ mid þam halgan gaste. Se fæder is ángin · ⁊ se sunu ís angin · ⁊ se halga gást ís angin · ác hí ne synd na þreo anginnu · ác hí eallre þry synden án angin ·
- ↑ Probably an error for god.
