16⁊ án ælmihtig god æfre únbegunnen · ⁊ úngeændod · ac se man ƿét[1] þe ƿyle habban ænig þincg ǽr anginne · forþan ðe seo halige þrynnes · is anginn · ⁊ án scyppend ealra gesceafta ⁊ nan þing næs ne nys ƿuniende þe se an ƿyrhta ne gesceope; Gif hƿylc gedƿola · 20oððe aƿoffod man · ƿyle furðor smeagen ⁊ þæt anginn oferstígan · mid dysilicere dyrstignesse · þonne bið he þam men gelíc þe arærþ sume heage hlæddre · ⁊ stihð be þære hlæddre stapum · oð he to ðæm ænde becume · ⁊ ƿylle þonne git stígan ufor · astihð þonne buton 24stapū · oð he stedeleas fylþ mid mycclum ƿyrsan fylle sƿa he furðor stáh. Ðreo þing synd on middanearde · án is hƿilƿend-lic · þe hæfð ægðer ge ordfrūman ge ende · þæt synd nytenu · ⁊ ealle saƿul-lease þing þe on-gunnan þa þa hí god gesceop · ⁊ æft 28geændiað ⁊ to nahte [2]geƿurðaþ. Oðer þing ís éce · sƿa hit hæfð ordfruman · ⁊ næfð nenne ende · synd ænglas ⁊ manna saula · þe ongunnen ða þa hí god gesceop · ác hí ne ge-endiað næfre. Ðridde þing ís ece · sƿá hit næfð naðor ne ordfruman ne ende · 32 ís se ána ælmihtiga god on þrynnesse · ⁊ ón annysse · æfre ƿuniende un-asmeagendlic · ⁊ un-asæcgendlíc. Se fæder ís angin · of nanū oðrū · ⁊ se sunu ís angin · æfre of þam fæder acenned · ⁊ se halga gast ís angin · æfre of þam fæder · ⁊ of þam sunu · na 36acenned ác forð-stæppende forðan þe se sunu is þæs fæder ƿísdom · of him · ⁊ mid him · ⁊ se halga gast ís heora begra ƿylle · ⁊ lufu · of him bam · ⁊ mid him bam. On ðisne enne god ƿé sceolon geleafan · ⁊ hine mid ƿeorcū ƿurðian · forðan · þe ealle þa 40halgan béc ægðer ge on þære ealdan · ǽ · ge on þære níƿan soðlice sprecað be þere halgan ðrynnysse · ⁊ soðre annysse. Þæs án scyppend ƿát ealle þing · ⁊ gesihð ge gedón ís · ge þe nú ís · ge ðe to-ƿeard ís · ne he nán þing ne for-gít · ne him nan þing 44ætfleon ne mæg. Ne ón-dret he him nanes þinges · forðan þe he næfð nenne riccran · ne furðon nanne him gelicne. Symble he bið gyfende · ⁊ he ne ƿanað sƿa-þǽh nan þing hís · ne him nanes þinges nis neod-þearf. Symble he bið ælmihtig god · forðan ðe he
Page:Aelfric's Lives of Saints Vol 1.djvu/24
This page needs to be proofread.
