Page:Anglo-Saxon version of the Hexameron of St. Basil.djvu/37

This page has been proofread, but needs to be validated.

12

EXAMERON ANGLICE.

ðurh his godcundan mihte menigfealde treowcynn mid heora wæstmum mannum to ofætan and to oðrum neodum. and seo eorðe sona swa swa hyre God bebead stod mid holtum agrowen. and mid healicum cederbeamum and mid manegum wudum on hire widgilnysse. mid æppelbærum treowum. and mid orcgeardum. and mid ælcum treowcynne mid heora agenum wæstmum.

VII. On ðam feorðan dæge ure drihten gecwæð Gewurðan^[1] nu leoht. ðæt synd ða leohtan steorran on ðam heofonlican rodore. ðæt hi todælan magon dæg fram nihte. and hi beon to tacne and tida gewyrcon dagum and gearum and scinon on ðam rodore and onlihton ða eorðan. God geworhte ða sona twa scinende leoht mycele and mære. monan. and sunnan. Ða sunnan on merigen to ðæs dæges lihtinge. ðone monan on æfen mannum to lihtinge on nihtlicere tide mid getacnungum. and ealle steorran he eac ða geworhte. and he hi gefæstnode on ðam fæstan rodore ðæt hi ða eorðan onlihton mid heora mænigfealdum leoman. and ðæs dæges gymdon. and eac ðære nihte. and ðæt leoht todældon. and ða ðeostru on twa. Næron nane tida on ðam gearlican getæle. ærðam ðe se ælmihtiga scyppend gesceop ða tunglan to gearlicum tidum on manegum getacnungum on lenctenlicere emnihte. swa swa lareowas secgað on gerymcræfte. xii. kl. Aprilis.^[2] And ne beoð næfre Eastron. ær se dæg cume ðæt ðæt leoht hæbbe ða ðeostru oferswiðed. ðæt is ðæt se dæg beo lengra ðonne seo niht. Be ðam oðrum tidum cwyð ðeos ylce boc swa swa God sæde him sylf to Noe. Sæd tima. and hærfæst. sumor and winter. cyle and hætu. dæg and niht. ne geswicað næfre. Ne standað na ealle steorran on ðam steapan rodere. ac hi sume habbað synderlicne gang beneoðan ðam rodore mislice geendebyrde. and ða ðe on ðam rodere standað. tyrnað æfre abutan mid

↑ "Gewurðan," this seems to be an error of the scribe for "Geweorðe."
↑ That is, the 21st of March. In one of Ælfric's homilies we read, "On ðam feorðan ðæge. gesette se Ælmihtiga ealle tungla and gearlice tida. and het ðæt hi wæron to tacne dagum and gearum. Nu ongynnað ða Ebreiscan heora geares anginn on ðam dæge ðe ealle tida gesette wæron. ðæt is on ðam feorðan dæge woruldlicere gesceapnysse. and se lareow Beda telð mid micclum gesceade ðæt se dæg is xii. kl. Aprilis."

[1] "Gewurðan," this seems to be an error of the scribe for "Geweorðe."

[2] That is, the 21st of March. In one of Ælfric's homilies we read, "On ðam feorðan ðæge. gesette se Ælmihtiga ealle tungla and gearlice tida. and het ðæt hi wæron to tacne dagum and gearum. Nu ongynnað ða Ebreiscan heora geares anginn on ðam dæge ðe ealle tida gesette wæron. ðæt is on ðam feorðan dæge woruldlicere gesceapnysse. and se lareow Beda telð mid micclum gesceade ðæt se dæg is xii. kl. Aprilis."

[1]

[2]