This page has been validated.
THE BATTLE OF PRESTONPANS.
The Chevalier being void of fear,
did march up Brislie brae man;
And through Tranent e’er he did stent,
as fast as he could gae man,
While general Cope did taunt and back,
wi’ mony a loud huzza man;
But e’er next morn proclaim’d the cock,
we heard anither craw man.
The brave Lochiel as I heard tell,
led Camerons on in clouds man,
The morning fair did clear the air,
they loosed with devlish thuds man.
Down guns they threw and swords they drew,
and soon did chace them aff man;
On Seaton crafts they built their chafts,
and gart them rin like daft man.
The bluff dragoons swore blood and ’oons,
they’d make the rebels run man;
And yet they flee when them they see,
and wisna fire a gun man.
