Page:Beowulf (Wyatt).djvu/83

XXI.

Bēowulf maþelode,⁠bearn Ecgþēowes:
“Ne sorga, snotor guma;⁠sēlre bið ǣghwǣm,
1385þæt hē his frēond wrece,⁠þonne hē fela murne.
Ure ǣghwylc sceal⁠ende gebīdan
worolde lifes;⁠wyrce sē þe mōte
dōmes ǣr dēaþe;⁠þæt bið driht-guman
unlifgendum⁠æfter sēlest.
1390Ārīs, rīces weard;⁠uton hraþe^[1] fēran,
Grendles māgan⁠gang scēawigan.
Ic hit þē gehāte:⁠nō hē on hehn losaþ,
ne on foldan fæþm,⁠ne on fyrgen-holt,
ne on gyfenes grund,⁠gā þǣr hē wille.
1395Ðȳs dōgor^[2] þū⁠geþyld hafa
wēana gehwylces,⁠swā ic þē wēne tō.”
Āhlēop ðā se gomela,⁠Gode þancode,
mihtigan Drihtne,⁠þæs se man ge*spræc.Fol. 161a.
Þā wæs Hrōðgāre⁠hors gebǣted,
1400wicg wunden-feax;⁠wīsa fengel
geatolīc gen[g]de;^[3]⁠gum-fēþa stōp
lind-hæbbendra.⁠Lāstas wǣron
æfter wald-swaþum⁠wīde gesȳne,
gang ofer grundas;⁠gegnum fōr^[4]
1405ofer myrcan mōr,⁠mago-þegna bær

1. 1390. Sweet ‘raþe,’ for the sake of the alliteration; but see Sievers § 217, N. 1.
2. 1395. Heyne ‘ðys dōgor,’ accus. of duration; but the form ðys lacks authority, and see Sievers § 289, and “Beiträge” x. 312.
3. 1401. MS. ‘gende.’
4. 1404. Heyne adopts the emendation of Sievers, who considers the line metrically deficient: ‘[þǣr hēo] gegnum fōr.’