to farene. he hrade gehyrde eft cweðan to him on ⁊sware: gif þæt for þinum synnum gedon is ⁊ gecweden, þæt þu faran ne miht, þonne sin þe þa ealle forgifene.' soðlice þa se broður þas word gehyrde ænes, he þa gyt forhtode mid micclum ege. ⁊ eac swylce oðere nihte he was gemanod mid þam ylcan wordum. þa ymb .V. dayas wearð he mid feferadle geþread ⁊ wearð forðfered beforan eallum þam broðrum weopendum ⁊ hoom gebiddendum. eac oþer broðer was in þam ylcan mynstre, se wæs gehaten Merulus, se gewunode, þæt he was swyðe geornfull mid wope ⁊ ælmessum ⁊ forneah on nane tid 10 ne blan, þæt sealmsangas eodon of his mude, buton þonne he his mete þigde, odde his leomu slæp abisgode. þisum breðer wæs æteowed on nihtlicre gesihðe, þæt sum beah of hwitum blostmum geworht gestige of heofonum on his heafod. ⁊ he þa sona was abys- god mid his lichaman mettrumnesse, ⁊ mid mycele sorhleasnesse his modes glædnesse wearð forðfered. æt þæs ylcan breðer byrgene þa þa Petrus, se nu is on hlafordscipe fore þam mynstre, him selfum wolde wyrcan byrgenne þæs ymb feowertyne gær, swa mycel wynsumnesse stenc þær upp weoll, þæs þe he sæde, of þære ylcan byrgene þæs broþer, efne swylce þær gesomnode wæron þa swetan stencas eallra blostmena. of þære wisan wæs swiþe swutullice cuð, hu soð þæt wæs, þæt he geseah þurh þa nihtlican gesihðe. eac wæs sum hysering in þam ylcan mynstre, þam wæs nama Iohannes, se oferferde ⁊ alifde his selfes ylde mid ⁊gite ⁊ mid swiðe wynsumre (149b) eadmodnesse ⁊ gestæddignesse. þysum cnihte seocendum ⁊ forneah to his ænde gelæddum wæs æteowed sum eald man þurh nihtlice gesihþe, ⁊ hine mid gyrde gehran ⁊ him þus to cwæð: 'aris! of þissere mettrumnesse ne sweltest þu nu nanra þinga; ac beo ðu gearnu hwæþre, forðon þu ne bist lange tide her wyrcende.' witodlice se chiht wæs þa eallunga georwened fram þam læcum, þæt he æfre trum wurde, ⁊ he sæmninga wæs gehæled ⁊ gemanod. he sæde sona þa wisan, þe he þær geseah, ⁊ hine sylfne heold ⁊ beeode twegra gæra fæc on Godes þeowdome, swa swa ic sæde, ofer þæt þe men wendon for þam gærum his mycclan geogoðhades. soðlice nu for þrym gærum, þa þa ura broþra wæs sum dead ⁊ fram us bebyrged in þam lictune þæs ylcan mynstres, eallum us þanon gangendum ⁊ niþer stigendum of þam lictune se ilca Iohannes wæs geciged of þære byrgenne fram þam ylcan breþer, þe þær þa dead wæs ⁊ bebyrged. þæt eac sona gecyþde se æfterfylgenda ænde. soðlice ymb · X · niht þwæs he was gestelled mid feferadle, he wearð forðfered.' Petrus cwæð: 'ic wolde, þæt me wære gecyþed ⁊ gesæd, hweþer þæt sceolde beon began ⁊ behealden, þæt æteowed byþ þurh nihtlicu swefn ⁊ gesihðe.'29 æfre (æ aus e) C G5 þan C
Page:Bischofs Waerferth von Worcester Übersetzung der Dialoge Gregors des grossen.djvu/366
This page needs to be proofread.
![](http://upload.wikimedia.org/wikipedia/commons/thumb/0/0b/Bischofs_Waerferth_von_Worcester_%C3%9Cbersetzung_der_Dialoge_Gregors_des_grossen.djvu/page366-1024px-Bischofs_Waerferth_von_Worcester_%C3%9Cbersetzung_der_Dialoge_Gregors_des_grossen.djvu.jpg)