pon. and if ſhe will foꝛſake the fowle that ſhe plumyth on. and com to the rewaꝛde. then preuyli take a way the paꝛtrich. and rewaꝛde yowre hawke with the Brayne. and the necke. Beware that ſhe eete no bonys. foꝛ that is euell to endewe. and it will make hiꝛ vnluſty: foꝛ to flye. And thus ye moſt ſeꝛue hiꝛ of as many as ſhe ſleth. bot let hiꝛ rewaꝛde be the leſſe. foꝛ ellis ſhe may be ſone full gooꝛged. and then ſhe may flye no more a grete while.
¶how yowre hawke ſhall Reioyſe.
And whan yowre hawke hath ſlayne a fowle. and is rewaꝛded as I haue ſayde. let hiꝛ not flie in no whiſe tyll yt when ſhe haue Reioſed hiꝛ. that is to ſay. tyll ſhe haue ſewed. oꝛ ſnyded heꝛ beke. oꝛ ellys rowſed heꝛ. and whan ſhe hath done any of theys. oꝛ all. go and retriue moo and ſhe will nym plente.
Whan yowre hawke hath nomme a fowle how ye ſhall do that ye rebuke not the hawke.
Lꝛene wele oon thyng. and beware theꝛof. whan yowre hauke hathe nomme a paꝛtrich. ſtonde a goode way of. and come not to nygh her. and dꝛyue a way yowre houndys. foꝛ rebukyng of hiꝛ. foꝛ many hawkys loue noon hownyds. and alſo
