And then thay be clepit Boweſſis ¶And after ſaynt Maꝛgaretis day thay will flie fro tree to tree. And then thay bene calde Brawncheris. And then it is time for to take hem.
¶And, vij. nighttis be fore ſaynt Maꝛgaretis day ⁊ vij. nightis after is beſte takyng of ſpare hawkes.
How ye ſhall demeyn yow ī takyng of hawkis ⁊ with wat inſrumētis ⁊ how ye ſhall kide them
Who ſo will take hawkes he muſt haue nettis wich ben called vrines and tho muſt be made of good ſmall threde, and it hade need to be died otheꝛ green oꝛ blwe foꝛ eſpieng of thee hawke, and he moſt take with hym needell and threde to enſile the hawkes that ben takien. And in this maner they muſt be enſiled. Take the needell and threde: and put it thorow the ouer igh lid and ſo of that otheꝛ: and make hem faſt vnder the beke: thatt ſhe ſe neuer a deell and then ſhe is enſiled as ſhe awthe to be. Sum vſen to enſile hem with the needer igh lidde a bone the beke on the hede almoſt: bot that is the woꝛs way foꝛ of reeſon the ouer igh lidde cloſith more iuſtly then the nether be cauſe of the laꝛgeneſſe. When ſhe is enſiled then bere thi hawke home on thi fiſte and caſt hir on a perch and let hir ſtande ther a night and a day and on that other day towarde eeuen, then take and cut eſeli the thredes and take hem a way ſofteli foꝛ brekyng of the lyddis of the ighen. Then ſofte and faire begynne to fede heꝛ, and faiꝛ fare with her till ſhe will ſitte weell vppon the fiſt, foꝛ it is drede for hurtyng of hir wengys. And then the ſame night afteꝛ the
