Page:Burns' popular songs (1).pdf/24

24

Wha will be a traitor knave?
Wha will fill a coward's grave?
Wha sae base as be a slave!
Let him turn and flee!

Wha for Scotland's king and law,
Freedom's sword will strongly draw,
Freeman stand, or freeman fa',
Let him follow me!

By oppression's woes and pains!
By your sons in servile chains!
We will drain our dearest veins,
But they shall be free!

Lay the proud usurper low!
Tyrants fall at every foe!
Liberty at every blow!--
Let us do, er die!

---

Wandering Willie.

Here awa, there awa, wandering Willie,
Here awa, there awa, haud awa hame;
Come to my bosom, my ain only dearie,
Tell me thou bring'st me Willie the same.
Winter-winds blew loud and cauld at our parting.
Fears for my Willie brought tears in my e'e;
Welcome now simmer and welcome my Willie,
The simmer to nature, my Willie to me.
Rest, ye wild storms, in the cave of your slumbers,
How your dread howling a lover alarms!
Wauken, ye breezes! row gently, ye billows!
And waft my dear laddie anee mair to my arms!
But oh, if he's faithless, and minds na his Nannie,
Flow still between us thou wide-roaring main!
May I never see it, may I never trow it,
But, dying, believe that my Willie's my ain!