4
Wolcū be ze candylmesse,
Wolcū be ze qwȳ of blys,
Wolcū boþe to mor & lesse,
Wolcū zol.
Wolcū be ze þt arn her,
Wolcū alle & mak good cher,
Wolcū alle ā oþꝛ zer,
Wolcū zol.
CAROL FOR ST. STEPHEN'S DAY.
Seȳt steuene was a clerk ī kȳg herowdꝯ halle,
& seruyd hī of bred & cloþ, as euꝛ kȳg be falle.
Steuȳ out of kechon cā wt boris hed ō honde,
He saw a sterr' was fayr & bryzt ouꝛ bedlē stōde;
He kyst a doū þe borꝯ hed & went into þe halle,
I for sak þe kȳg herowdꝯ & þi werkꝯ alle;
I forsake þe kȳg herowdꝯ & þi werkꝯ alle;
Þꝛ is a chyd in bedlē born is betꝛ þan we alle.
Qut eylyt þe steuen, qut is þe be falle?
Lakkyt þe eyþꝛ mete or drynk in kyng herowdꝯ halle?