Thrummy Cap
A TALE.
An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Comical story of Thrummy Cap and the Ghaist (3).pdf/2}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |
IN ancient times, far i' the north, A hunder miles ayont the Forth, Upon a stormy winter day, Twa men forgather'd o' the way, Ane was a sturdy bardoch chiel An' frae the weather happit weel Wi' a mill'd plaiding jockey-coat, And eke he on his head had got A thrummy cap, baith large and stout, Wi' flaps ahind, as weel's a snout, Whilk button'd close aneath his chin, To keep the cauld frae getting in ; Upon his legs he had gammashes, Whilk sodgers term their spatterdashes, An' on his hands, instead o' gloves, Large doddy mittens, whilk he'd roose For warmness, an'an aiken stick, Na verra lang, but unco thick,