7
The Landlord says, Ye’se get a fire, And candle too. gin ye desire, Wi' beuks to read ; and for bed, I'll orders gie to get it made. John says, As I'm a Christian man, Who never like's to curse nor ban. Nor steal, nor lie, nor drink, nor whore, I'll never gang within its door, But sit by the fire side a' night, And gang awa' whene'er 'tis light. Says Thrummy till him wi' a glow'r. Ye cowardly gowk I'll mak ye cow'r, Come up the stair alang wi' me, And I shall caution for you be. Then Johnny faintly gaed consent, And up stairs to the room they went. Where soon they gat baith fire and light, To haud then hearty a' the night; The Landlord likewise ga'e them meat; As meikle as they baith could eat; Shew'd them their bed, & bade them gang To it, whene'er they did think lang; Sae wishing them a guid repose, Straight syne to his ain bed he goes. Our trav’ller now being left alane, 'Cause that the frost was nipping keen, Coost aff their shoon, and warm'd their feet, And syne gaed to their bed to sleep.
