18 THE DOMINIE DEPOS'D.
This laid their din; the drink was ſtale, An' to't they gade wi' tooth an nail: An' wives whaſe rotten tuſks did fail, Wi' breed and cheeſe, They birl'd fu' faſt at butter'd ale To gie them eaſe.
They ca' upon me, then dadda, Come tune your fiddle, play us a Jigg or hornpipe, nae mair SOL FA, My bonny cock; The Kirk an' you maun pluck a fa' About young Jock.
Play up Sae merry as we hae been, Or, Wat ye wha we met yeſtreen, Or, Laſs will ye lend me your leem? Or Soups o' Brandy; Or, Gin the Kirk wad let's alane, Or, Houghmagandy.
Sic tunes as theſe, yea, three or four, They called for, ill mat they cour, Play, cries the cummer, wi' a glour, The wanton toudy, Wha did the Dominie ding o'er, Juſt heels o'er goudy.
O muſic I had little ſkill, But as I cou'd, I play'd my fill, It was my beſt to ſhaw good-will; Yet a' my drift Was beſt how I might win the hill The wives to ſhift.
"Sae
