Are they tormenting her again? They hae time now, when their storm and their revelry is past, to cast their cantrips here, I trow. (Shaking her fist angrily.) O you ugly witch! show your elrich face from behint the hangings there, an' I'll score you aboon the breath wi' a jocteleg.
LADY DUNGARREN (to Nurse).
Dost thou see any thing?
NURSE.
I thought I just saw a waft o' her haggart visage in the dark shadow o' the bed hangings yonder. But see or no see, she is in this room, as sure as I am a Christian saul. What else shou'd mak the bairn stare sae, and wriggle wi' her body sae miserably?
DUNGARREN.
But are not you a bold woman, Nurse, to threaten a witch so bloodily?
NURSE.
I'm bauld enough to tak vengeance at my ain haun upon ony body that torments my bairn, though it war Satan himsel. Howsomever, I carry about a leaf o' the Bible sewed to my pouch, now; for things hae come to sic a fearfu'
