188
COWLEY'S ESSAYS.
EPITAPHIUM VIVI AUCTORIS.
Hic, O viator, sub Lare parvulo
Couleius hic est conditus, hic jacet;
Defunctus humani laboris
Sorte, supervacuâque vitâ.
Non indecora pauperie nitens,
Et non inerti nobilis otio,
Vanoque dilectis popello
Divitiis animosus hostis.
Possis ut illum dicere mortuum,
En terra jam nunc quantula sufficit!
Exempta sit curis, viator;
Terra sit illa levis, precare.
Hic sparge flores, sparge breves rosas,
Nam vita gaudet mortua floribus,
Herbisque odoratis corona
Vatis adhuc cinerem calentem.
