This page has been validated.
8
And when the howling wintry blast
Disturbs my lassie’s midnight rest;
Enclasped to my faithfu’ breast,
I’ll comfort thee, my dearie, O.
Lassie wi’ the lint-white lochs, &c.
SOMEBODY.
My heart is sair, I darena tell,
My heart is sair for somebody;
I could wake a winter night,
For the sake of somebody.
Och hon, for somebody!
Och hey, for somebody!
I could range the world around,
For the sake of somebody.
Ye pow’rs that smile on virtuous love,
O, sweetly smile on somebody!
Frae ilka danger keep him free,
And send me safe my somebody.
Och hon, for somebody!
Och hey, for somebody!
I wad do—what wad I not?
For the sake of somebody.
