Page:Gesta Romanorum - Swan - Wright - 2.djvu/527

this for to drawe hym agayne to the relygyon as he dyd after. And so he went forth and lost all, and cam agayne all confused tofore y^e gate. And whan Saynt Bernarde knewe hym there, he wente to hym joyously and opened hys lappe for to parte the gayne, and he sayd, Fader I have wonne no thynge, but have lost your catayle, receyue me if it please you for to be your catayle. And Saynte Bernarde answered to hym swetely, if it be so, it is better that I receyue the than lese bothe y^e one and that other. ¶ On a tyme Saynt Bernarde rode upon an hors by the way, and mette a vylayne by y^e waye whiche sayd to hym that he had not his hert ferme and stable in prayenge. And y^e vylayne or uplondysshe man had grete despyte therof, and sayd that he had his herte ferme and stable in all his prayers. And Saynt Bernarde which wolde vaynquysshe hym, and shewe his foly, sayd to hym. Departe a lytell fro me, and begyn thy Pater Noster in the best entent thou canst, and if y^u canst fynysshe it without thynkyng on ony other thynge, w^tout doubte I shall gyue to the the hors that I am on. And thou shalte promyse to me by thy fayth, that if thou thynke on any other thynge, y^u shalte not hyde it fro me. And the man was gladde, and reputed that hors his, and graunted it hym, and went aparte,